1Th 2 | GbrGAW | STEP | Fye kpelo nfyehin, omi azaje, shi eyi ziyara ɓei ku zhin ampanyi.

1 Thessalonians 2

1 Fye kpelo nfyehin, omi azaje, shi eyi ziyara ɓei ku zhin ampanyi. 2 Fye kpelo shi a ɓei zhin yi ɓo n tna bmiya yi n Filibi, kafin yi ɓe ofya ba, shi yi ɓei sin wahala n sun. Ama Shekwoyi wa gayi kala ya je fye waʼazi zhin, koda yake anuwun-yi ɓei sheyi gun. 3 Ntu cenu fye ku gye, yi to ɓei zhin waʼazi n nufi nukwoyi nu kwo shakpen, yi ɓei zhin fye n gaiciya yi nu ɓehinhin.

Atnu-tnuyi N Shekwoyi Wa Tnu

4 Gama yi daɓo n gye Shekwoyi a tnu-tnuyi nu, n wa ye n ɓai, woi gaɓa tnu-tnu nge ɓa da gaiciya, yi to shan ɓeda ye do ko fyewyin, n nabai kwa da aza n ɓa won, gama yi zhin Shekwoyi nu tnu-tnu gmanyi, n wo dna eyi abugba wyenyi, n ɓa aɓo nubo zhin yi.

5 Yi to zhin a tna kwo fyewyi ya wan fye hankali n ɓeda dadayin, shi fye kpelo, Shekwoyi kpelo, yi to ɓei dna fye kwoce nu n na bai fya ga yi agyiwye n. 6 Yi to shin ye n ge zaho ciyin, koda yake yi n iziniyi lo fya ga yi mwa-mwa ntu ge yi zhin atnu-tnuyi nu. 7 Ama yi ɓei zhin peceiye n efye aba, shi oɓi ya zhin wa gawo ɓi nyagyi peceiye nyi. 8 Yi ɓei ye fye n mwa har ya ga fye Shekwoyi ɓeda, n yi awye-wye yi ɓe.

9 Fye to ye palon, omi azaje, shi yi ɓei zhin tnu-tnu n fye aba n sun, Nsukwoyi n nyi-pyei, ye zhin tnu-tnu, ya bwa nyagyi n na abai to ya tu azaho akayan, yi zhin Shekwoyi Nabari manayi waʼazi nfye aban. 10 Fye zhin yi asaidada nu n fyehin, n Shekwoyi yi, nge yi to n laifiyi lo n zaho aba n fye min. 11 Yi ɓei daɓo n fyei ngye shi oɓidada zhin wa daɓo n wo aɓiyi. Fye to palon, shi yi ɓei tna fye abwa, yi gyifye wyen? 12 Nge, fye to ye, efye ase-se, kwa wun Shekwoyi bugban, ama fye gawo bugbabuiyi n wa yi fye fi n wo ebemi nyi, fya gwo wo mwa-mwa nyi.

13 Yi ta fa Shekwoyi ami sa ɓo n tu ce n, ngye esa n yi ɓei zhin fye waʼazi, fye to ɓei zhin nubwo nge eyi ɓeda nun, ama fye ɓei gwo eyi ɓeda ngye Shekwoyi ɓedanu, Okwoi nu ɓehinhin. Kwa shan fyedo esa n fye ɓei gakwo gaiciya cei nyi.

14 Njesun emi azaje fye ku wahala sin shi ikklisiya n Yahudiya ɓei sin nyi. Wahala nfye aza akun, shi ɓa ɓei sin wahala n na a Yahudiyi akun nyi. 15 Sanu n ɓa ɓei ku anabi wu, n na avun ɓa wu Dagayi Yesu, n saiye ɓa kuyi ga wahala n tna sun-sun gye, ɓa la yi nya ya. Ɓa zhin gaba n Shekwoyi n na azayi. 16 Ɓai zhin atna to ɓa ye ge yi zhin abyedo waʼazin, ɓai wo dna ge azaho ɓa pwo. Ntu cenu oɓa laifi ce kwoi mwa. Ama Shekwoyi minagyi n la ɓa wan.

17 Omi azaje, n na avun, yi ku fye fa yi to ye zhi lo n fye aban esa fyewyin (eyi abugba to fa fyem) ya zhin atna n mwa ya jezeɓe ya gye fye. 18 Yi ɓei n cei pma ya ɓe, emi, Bulus, mi zhin atna ci-ci ma ɓe, ama shetan to wa yen. 19 Gama yi sase, n kniɓei nua kwoi gayi awyetua, bugba bui, n yi lada yi n yi ɓa gma? Ofyenu, Eʼe fye ɓei ɓe yi n bugba buyi n mwa, yi gni-a-gni zhin n gnisun n Dagayi Yesu Kristi abye esa n wa jeze ɓe n jesun. 20 Gama efyenu zhin eyi arawani n bugba buyi.